انا اسف ان كنت هشغلكم بموضوع مش مهم بس ده كبت فى صدرى ولازم اخرجو انا رغم خبرتى لاصغيرة الا انى تعاملت مع اكثر من مدير مالى كل واحد يجى بيفتح صدرة ويعمل فيها عنتر ويقول انا لا قبلى ولا بعدى ويدمر كل اللى عمله قبل منه ال ايه شغله غلط ويمشى ده ويجى واحد بعد منه ينسف كل اللى قبله عمله ال ايه مبيفهموش حاجه ويمشى ده كمان واللى بعده ويقول عليه مبيعرفش وشغله غلط وملوش فيها وان هو التوت فروت
هو ده عيبى انا ولا عيب اللى قبله ولا اللى قبله ولا اللى قبله
لى مبنستفدش من اللى قبلينا حتى لو كان غلط نعرف غلطه ايه علشان منغلطش نفس الغلط يا رب لما ابقى مدير مالى مغلطش زى الناس دى
انا اسف ان كنت هشغلكم بموضوع مش مهم بس ده كبت فى صدرى ولازم اخرجو
يا سيدي فضفض ولا يهمك
انا رغم خبرتى لاصغيرة الا انى تعاملت مع اكثر من مدير مالى كل واحد يجى بيفتح صدرة ويعمل فيها عنتر ويقول انا لا قبلى ولا بعدى
ده غرور بيصيب بعض ذوي الأنفس الضعيفه ولابد أن يكون هناك معايير للتقييم الجاد بدون تحيز ولابد من وجود موضوعيه في الحكم على الأفراد على ألا يكون هناك مصالح أو تضارب في المصالح فمثلا يلا يجوز أن نطلق أحكاماً جزافاً ولا نقدر الأمور من وجهات نظرنا نحن مش عشان المدير ده مبحبوش والمدير السابق كان حتة سكره كانت العمليه معاه طبيخ وكان الي عايز يستأذن يستأذون والي عايز ميجيش ميجيش ميغه بقى
بس الفكره مين أصلح ومين شايف شغله صح ومين بيأدي عمله بإتقان ومين بيراعي ربنا ويتق الله في عمله ومين أصلح لإرتقاء عذا المنصب
ويدمر كل اللى عمله قبل منه ال ايه شغله غلط
والله دي أمانه وربنا الي هيحاسبة عليها وخلي بالك زي ما أطلق أحكام ظلم على سابقيه ربنا يهرزقه بالي يصدر ويتجنى عليه في الأحكام ويقول عليه حاجات ما كنش بتحصل وماربك بظلام للعبيد
ولو فعلاً شغله فعلا غلط ليه الإدراة سابته كل الفتره السابقه يعني ده سوء إداره أوضعف نظام المراقبة الداخليه
شغله غلط
في حاجات يا صح يا غلط يعني 1+1= 2 ولا غبار عليها ومفيش خلاف ودي الي أصدر فيها مجلس المعايير الدوليه بصددها معايير محاسبه أو هي أحد المبادئ و الأسس المحاسبية المتعارف عليها بس في حاجات تاني بيقى الحكم فيها أو المرجع الإجتهاد أو تغليب أصح الأراء والرجوع فيها للمعايير أو القياس ولكن هناك بعض المعالجات البديله لنفس الشئ والتي يغلب فيها الرأي الأصح أو الإجماع أو حتى قانون الشركات في الدوله أو قانون الضرائب وفي حاجات جرى العرف على تطبيقها أو هي في نشاط أو مجال معين فمثلا مصلحة الضرائب في حاله عدم إمساك دفاتر أو في حاله إهدار دفاتر الممول يتم الرجوع لتعليمات الصادرة من المصلحة والأحكام التنفيذية للمحكمة بناءاًعلى طعون سلبقه لتحديد مجمل الربح أو هامش الربح الذي يختلف من منشأه لاخرى حسب النشاط أو المجال
ويمشى ده ويجى واحد بعد منه ينسف كل اللى قبله عمله ال ايه مبيفهموش حاجه ويمشى ده كمان واللى بعده ويقول عليه مبيعرفش وشغله غلط وملوش فيها وان هو التوت فروت
للأسف ده داء خطير وأنا شخصيا ضده م وبعد ماتوصل للولاعه الليزر في شغلك يجي الباشا الجديد المدير العام الجديد أو المدير المالي يحاول بسلامته يخترع النار بالقش والظلتين بتوع المصريين القدماء يعني عايز يعمل تغيير
يا إبني إنت كده دعيت على نفسك وظلمتها مش دعيت ليها
عارف ليه عشان إنت كده حجرت على نفسك وحرمت عليها الغلط وبكده عمرك ما هتتعلم عشان التعليم بالتجربه والخطأ هو أحسن طريقة للتعلم
على فكره قبل كده زمان إفتكر إني إتحملت فرق فاتوره سجلتها خطأ وكأن مبلغ كبير مش صغير ولما سألني المدير بتاعي زعلان ؟؟؟ قلته لا والله عشان عمري ما هغلط الغلطه دي تاني وفعلا عمري ما نسيت الخطأ وإلى الأن حذر من الأرقام المقلوبه
هو ده عيبى انا ولا عيب اللى قبله ولا اللى قبله ولا اللى قبله
لى مبنستفدش من اللى قبلينا حتى لو كان غلط نعرف غلطه ايه علشان منغلطش نفس الغلط
هناك مقوله شهيره لفورد ford على ما أعتقد قال الفشل يعلمني طريقة جديده للنجاح